طريقة عمل تحف جميله باستخدام خامات بسيطه بالصور

  El_roOomanci منذ 6 سنوات و 7 شهور عام 14319 1







المقادير :

اى اشكال او مجسمات زجاجيه برطمانات بأى احجام

فلوت اللى هو ورنيش

قواقع واصداف وخرز

اسبريه دهبى وفضى

تنر او تربنتينه

طبق

فرشاة

جليتر

ملعقه

ماء

كوب جبس

كوب رمل ابيض بتاع البحر

ونصف كوب اسمنت ابيض

وعاء لعجن المكونات انا اخدت زجاجة بيبسى وقصيتها عشان بعد الشغل حتترمى .



الطريقه :

-نخلط كلا من الجبس والاسمنت والرمل فى الطبق ونقلبهم بالملعقه جيدا حتى يمتزجو





-وبعدين ناخد كميه صغيره ونعجنها بالماء فى وعاء كما هو مبين فى الصوره معايا لحد هنا



-بعد العجن وبسرعه شويه نبدأ بتوزيع الخليط دا على جدار اى مجسم انت حابه انك تزينيه وانا اخترت هنا مجموعه منها كاس ومنها طبق ومنها زجاجة كاتشب وبرطمانات بأحجام مختلفه



-وبعد مايخلص او جنب من جوانب المجسم نبدأ بتوزيع الخرز او اللولى والقواقع بشكل عشوائى مع الضغط عشا يجف الخليط ويمسك -كل حاجه حطيناها سواء الخرز او الصدف او القواقع فهمتو ليه بقول بسرعه عشان طبعا الاسمنت والجبس بيسخنو ويجفوا بسرعه -ولو جف قبل ما نزين حيبقى زى الحيط فا احنا بنعمل شويات شويات عشان مايجفش مننا بسرعه وبرضو جمب جمب لغاية مايخلص المجسم كله ودى صور توضح كلامى





-وبعد مانخلص كل الشغل نسيبهم يجفو خااالص ممكن اربع او خمس ساعات معايا لحد هنا ودا الشكل النهائى بعد الخطوات اللى فاتت



-نيجى بقى لخطوة الاسبريه وهى طبعا بالنسبه للالوان حسب اختيارك ممكن ازرق مع دهبى او فضى وممكن اخضر يعنى حسب -ديكور البيت عندك والوانه بس انا اخترت دهبى وفضى عشان بيليقو مع كل الالوان وحنبدأ نرش الاسبريه على المجسم ممكن كله -وممكن نخلى جزء الزجاج باين انه زجاج عشان بس يدى شوية فخامه للتحفه




-انا بدأت هنا بالون الدهبى وبعدين اديت تاتشات بالاسبريه الفضى وبرضو الامر متروك ليكى تلونيه بالطريقه اللى تعجبك وبعد ما -تسيبى المجسمات تجف من الاسبريه تيجى الخطوه القبل الاخيره

-وهنا حنجيب التنر او التربنتينا وبقطعة قماش او قطن او منديل حنبللها بالتنر ونمسح الزجاج من الاسبريه اللى جه عليه اثناء الرش




-حناخد الفرشاة والفلوت وندهن المجسم كله



-وصلنا للخطوه الاخيره بعد مانخلص طلى المجسم بالفلوت نبدأ بنثر الجليتر على المجسم نثر عشوئى وبرطو حسب رغبتك.




إضافه رد جديد
مجموع التعليقات (1)

ذات علاقة

طريقة عمل تحف جميله باستخدام خامات بسيطه بالصور

  El_roOomanci منذ 6 سنوات و 7 شهور المنزل والحديقة 14262 1

المقادير : اى اشكال او مجسمات زجاجيه برطمانات بأى احجام فلوت اللى ...

14262

طريقة عمل رز مندي بالصور

  عمر روعة منذ 6 سنوات و 1 شهور المطبخ 316 0

المقادير دجاجه(او اكثر حسب عائلتك) قليل من الخل+ليمونه واحده +رشه كمون(ل...

316

طريقة عمل البيتزا بالصور

  Duaa Hammad منذ 7 سنوات و 4 شهور المطبخ 524 1

المكونات بالصور: العجينه. 400 جرام دقيق م ك خميره فوريه 1 م ك سكر1 3 م ك زيت زي...

524

طريقة تحضير ميل فوي بالصور

  laila_abdalla منذ 3 سنوات و 3 شهور المطبخ 837 0

    مقادير ميل فوي العجينة المورقة كريم ب...

837

طريقة عمل وردات بالصور

  El_roOomanci منذ 6 سنوات و 3 شهور المنزل والحديقة 225 0

وكمان وردات بطرق تانية سهلة وبسيطة    ...

225

شرح طريقة عمل بيتزا بالصور

  marinila منذ 5 سنوات و 4 شهور المطبخ 339 0

بسم الله الرحمن الرحيم مرحبا المقادير:- 2كوب دقيق 2ملعقة كبيره سكر 1 ملع...

339